Nova edición do noso Café Científico con Ángel Carracedo

 

Nesta ocasións falamos de pedagoxía, de futuro, de Bioloxía, de ética... sempre dende a perspectiva da Ciencia.

Tres horas que se fixeron curtas. Moitas grazas de novo a Ángel Carracedo pola súa predisposición e talante.

Taller de potingues

 

Un clásico da nosa Semana Cultural, o taller de potingues para alumnado de 1º ESO no que os alumnos do Club de Ciencias funcionan como monitores.

Charla sobre o Cultivo in vitro de plantas superiores

 

En colaboración coa USC fomos quen de coñecer as marabillas da clonación vexetal. Resulta que un carballo cabe nun tubo de ensaio.

Ruta pola enseada do Anllóns

 

Dentro da XXIV Semana Cultural do IES Eduardo Pondal o Club de Ciencia organizou unha ruta polo esteiro do Anllóns en colaboración co Programa de educación ambiental Patrimonio Natural. 

Aprendemos sobre o noso patrimonio natural

 

Onte comezou a nosa relación co Programa de educación ambiental Patrimonio Natural.  Tres horas nas que falamos de morcegos con 1º ESO A, de mamíferos mariños con 1º ESO B e de Xeodiversidade con alumnos de bacharelato.

Comeza a Semana Cultural

 

E imos pouco a pouco preparando as moitas actividades que organizamos dende o Club de Ciencia

Por fin o ceo dá unha tregua

 

Así que imos aproveitar para ver o ceo. Quedamos onde sempre, no Faro de Brantuas, as sete e media o próximo luns 16 de marzo.

Non veremos Saturno pero si poderemos aproximarnos a Venus e a Xúpiter. Tamén teremos oportunidade de visualizar algunha nebulosa máis próxima a nós ca nebulosa do Cranio que vemos na imaxe.

Congreso da NOSA

 

O pasado 11 de febreiro participamos no congreso da NOSA que tivo lugar na Cidade da Cultura de Santiago de Compostela. En primeiro lugar presentamos unha ponencia cos resultados da nosa investigación sobre os microorganismos da estratosfera. 

Tras a pausa para comer realizamos un xogo de confraternización con todos os participantes no congreso.

A exposición de resultados é parte fundamental do traballo científico polo que valoramos moi positivamente estas actividades.

Cultivando os microorganismos dos ordenadores Edixgal

 

Quedan na estufa a 37 graos centígrados durante 48 horas

Xa temos resultados

 

Aquí temos a mostra 5 do rato. 

Fixemos cultivos de ratos e de teclados para ver se había diferencias significativas. 

Xa temos gran cantidade de bacterias para comezar a análise

Novo proxecto de investigación

 Lanzamos o proxecto de investigación deste curso:

"Microorganismos nos ordenadores Edixgal" 

A primeira fase será a recollida de mostras para o seu posterior cultivo.