martes, 15 de novembro de 2022

Estamos de patrón

 


Aproveitamos o Día da Ciencia para facer unha exhibición científica no hall do instituto. Na actividade participaron diferentes departamentos (Tecnoloxía, Bioloxía e Xeoloxía, Matemáticas, Física e Química e Atención a persoas en situación de dependencia).


 O alumnado puido “queimar” billetes, xogar coas densidades dos líquidos, investigar o corpo humano, facer figuras con tangrams, manexar impresoras 3D e moitas máis actividades desenvolvidas por profesorado e alumnado voluntario.


 

xoves, 10 de novembro de 2022

E cando marchabamos apareceu Marte


 

 Tras ter que adiar a actividade por mor do mal tempo, por fin este xoves puidemos subir ao
faro de Brantuas observar as estrelas e os planetas Marte e Saturno.
Á actividade asistiron unha trintena de rapazas e rapaces de todos os cursos, algúns deles
acompañados das súas familias. Coma sempre, a profesora Isabel Segura explicounos as
constelacións e contestou ás preguntas da rapazada.
Ademais, o fotógrafo Andrés García, @drewkorme, ofreceu unha master class de fotografía
nocturna.

venres, 4 de novembro de 2022

Parece que esta vez si que o conseguimos

 

Cun pouco de sorte, e moita previsión meteorolóxica, este próximo xoves 10 de novembro iremos ao faro de Brantuas a ver as estrelas. 

Dende as sete teredes a posibilidade de colaborar. 

Lembrade que este ano tamén falaremos de fotografía.

martes, 1 de novembro de 2022

Retomamos o proxecto do Planetario portátil

 


A medida que imos reducindo as restricións COVID tamén imos rematando fases do proxecto. O obxectivo deste curso é montar todas as constelacións sobre a tela e rematar a programación destas.

A traballar!

xoves, 27 de outubro de 2022

xoves, 20 de outubro de 2022

Vaite deitar! Analizando como durmimos

 

Comezamos a traballar no tema de investigación deste ano.

Vaite deitar!

Parece que algúns alumnos teñen sono a todas horas, outros non atopan o momento de apagar a luz e incluso algúns dormen como troncos toda a noite. Seremos capaces de atopar os motivos desta variedade soporífera?

mércores, 19 de outubro de 2022

Dende os glaciares ata o interior da Terra

 


Acompañados por Fran Canosa visitamos o Xeoparque de Cabo Ortegal para adentrarnos nos misterios da Xeoloxía.

A pesar do frío que nos trouxo o día fomos quen de gozar doutra xornada de aprendizaxe de campo entre algunhas das paisaxes máis impresionantes do mundo.