xoves, 1 de decembro de 2022

Un pouco de limpeza non fai mal a ninguén

 


Tras recibir a primeira formación para a creación do noso acuario mariño de litoral, hoxe comezamos a limpeza do acuario. Levaba anos cos mesmos habitantes, unas carpas que marcharon para outros fogares, xa que foron moitos os alumnos interesados en levarse algunhas.

Primeiramente houbo que baleiralo e procedemos despois a limpalo. Para iso contamos coa inestimable axuda da profesora Susana e dos alumnos Xandre e Martín.

martes, 29 de novembro de 2022

Aprendemos sobre o acuario mariño de litoral

 


Rematando novembro xuntámonos un grupo de 7 alumnos e 4 profesoras para recibir a primeira formación para a creación do noso acuario mariño de litoral.

A formación correu ao cargo de Martín Sobrado, experto en acuicultura. Informounos de como crear o acuario: como limpalo, como enchelo (debemos decidir se traemos auga do mar ou se a collemos da billa e a descloramos),  a utilización dos filtros axeitados, o tipo de comida que se lles debe dar aos peixes de auga salgada (xa que hai especies vexetarianas), cales son os niveis óptimos de nitratos, nitritos, amoníaco, etc. do acuario e como medilos e, sobre todo, que especies podemos introducir para que sexa un sistema sostible.

venres, 25 de novembro de 2022

A pegada do home e a súa influencia na xeomorfoloxía de Galicia

 


Co gaio da celebración do Mes da Ciencia en galego, o alumnado de 1º e 2º de Bacharelato asistiu á charla “A pegada do home e a súa influencia na xeomorfoloxía de Galicia” impartida por Francisco Canosa mediante videoconferencia.

Ao finalizar a mesma tiveron a oportunidade de lle facer preguntas ao conferenciante.

Enlace á videoconferencia: https://www.youtube.com/watch?v=bA2NtI4t9c4