Onte comezou a nosa relación co Programa de educación ambiental Patrimonio Natural.  Tres horas nas que falamos de morcegos con 1º ESO A, de mamíferos mariños con 1º ESO B e de Xeodiversidade con alumnos de bacharelato.

Por fin o ceo dá unha tregua

 

Así que imos aproveitar para ver o ceo. Quedamos onde sempre, no Faro de Brantuas, as sete e media o próximo luns 16 de marzo.

Non veremos Saturno pero si poderemos aproximarnos a Venus e a Xúpiter. Tamén teremos oportunidade de visualizar algunha nebulosa máis próxima a nós ca nebulosa do Cranio que vemos na imaxe.

Congreso da NOSA

 

O pasado 11 de febreiro participamos no congreso da NOSA que tivo lugar na Cidade da Cultura de Santiago de Compostela. En primeiro lugar presentamos unha ponencia cos resultados da nosa investigación sobre os microorganismos da estratosfera. 

Tras a pausa para comer realizamos un xogo de confraternización con todos os participantes no congreso.

A exposición de resultados é parte fundamental do traballo científico polo que valoramos moi positivamente estas actividades.

Cultivando os microorganismos dos ordenadores Edixgal

 

Quedan na estufa a 37 graos centígrados durante 48 horas

Xa temos resultados

 

Aquí temos a mostra 5 do rato. 

Fixemos cultivos de ratos e de teclados para ver se había diferencias significativas. 

Xa temos gran cantidade de bacterias para comezar a análise

Novo proxecto de investigación

 Lanzamos o proxecto de investigación deste curso:

"Microorganismos nos ordenadores Edixgal" 

A primeira fase será a recollida de mostras para o seu posterior cultivo. 

Ao redor dos incendios

 

En colaboración cos alumnos do ciclo superior de Paisaxismo e medio rural e Xestión forestal e medio rural de Fonteboa analizamos as causas, consecuencias e posibles solucións dos incendios que tivemos este verán no noso concello. 

Sempre é bo momento para repensar a nosa relación co noso medio natural e se o tempo dá unha tregua e podemos facelo sen chover moito mellor

Un pracer ver de novo aos nosos exalumnos e un agradecemento especial a Alejandro pola súa paciencia.