Peche festivo do Club de Ciencia 23/24

 

Este luns achegámonos á Coruña para seguir aprendendo e disfrutando coa ciencia. Neste

caso o noso alumnado de 3º e 4º visitou as instalacións do CITIC para coñecer os proxectos

nos que está a traballar parte da comunidade científica da UDC. https://citic.udc.es/gl/home-

galego-3/

Por outra banda, os máis pequenos visitaron a DOMUS e experimentaron sobre os sentidos

e outras cuestións relacionadas coa vida do ser humano.

Máis tarde xuntámonos todos para comer ao aire libre, botar algún que outro partido de

futbol no parque de Santa Margarita e visitar a Casa das Ciencias.

Esperemos que todos disfrutaran tanto como os organizadores da actividade e que o curso

que ven sigan apuntándose a aprender con nós!

Saía á praia

 

O noso alumnado de 1º de ESO e algún de 3º participa un ano máis na actividade proposta pola Asociación Ambiental Chelonia. 

Durante a xornada a nosa rapazada recolleu 80,44 kg de residuos da praia da Ermida, aprendeu qué debemos facer para coidar que os plásticos non danen o medioambiente e sobre todo desfrutou dunha mañá ó aire libre nun entorno extraordinario.

 

Recibimos a Carmen Rivas para falar de virus e cancro

 

A colaboración co CIMUS continua e hoxe tivemos o pracer de falar con Carmen Rivas, investigadora galega do CIMUS. 

Moitas grazas pola visita pero xa avisamos que haberá que repetir porque foron moitas as preguntas que non deu tempo a responder.

Obradoiro da Sociedade Xuvenil Galega de Química

 

O pasado luns tivemos unha reunión moi especial do club de ciencias xa que contamos coa visita da SXGQ. 

Reconstruíndo mundos pasados

 

Os fósiles son máis que ósos e no taller "Reconstruíndo mundos pasados" demostramos esta premisa dando vida a doce ecosistemas fósiles

Grazas Ángel por aceptar sempre os retos que che propoñemos

 

Este curso dende o club de ciencias eliximos un novo formato para a visita do noso científico de cabeceira, Ángel carracedo. Ao redor dun café falamos de xenética, de estudos futuros ou de psiquiatría. 

Un pracer como todos os anos.

Divulgando a química no Taller de Pontingues

 

Na semana cultural do instituto os alumnos do club de ciencias achegamos a química recreativa aos alumnos de 1º e 2º da ESO grazas ao taller de potingues.

Fixemos perfumes

labiais,

sales de baño 

pero fundamentalmente o que fixemos foi gozar da química.

Planetario portátil

 

Tras unha nova visita de Jose xa case temos rematada a programción do noso planetario portátil. 

O próximo venres 5 de abril visitará o noso centro o Dr Ángel Carracedo

A partir das doce da mañá o salón de actos do noso instituto acollerá un café científico cun protagonismo especial para o noso invitado. 

O acto estará aberto ao público previa reserva de praza no seguinte correo electrónico:

clubcienciainformatica@gmail.com

Falamos de microplásticos e cadeas tróficas con David Méndez

 

Por que son un problema os microplásticos? Que pasa con eses pellets de plástico que perdeu o barco en decembro? Que podemos facer para axudar? De todo isto e algo máis falamos cun exalumno do Club de Ciencia.

Preparamos os talleres da semana cultural

 

Os rapaces máis novos do noso club xa están máis que preparados para exercer de monitores nos nosos talleres da semana cultural.

A voltas co planetario

Seguimos traballando no noso planetario e cada vez queda menos para velo rematado. Estas semanas estamos redactando as explicacións que acompañarán as imaxes no planetario. Traballo pouco visible pero que despois será imprescindible para as nosas sesións. Agora só falta que deixe de chover e podamos ir a ver estrelas.
 

Conmemorando as nosas científicas do presente o do futuro

 

Outro ano máis traballando sobre as nosas científicas con motivo do Día da Muller e a Nena na Ciencia.

Nesta ocasión centrámonos en traballar cos máis novos do club nunha exposición sobre figuras femininas da investigación científica.

Aprendemos a enxertar as nosas froiteiras

 

E que mellor mestre que un dos membros da xeración máis sabia, os nosos avós.

Aprendimos a enxertar de forma práctica e bebendo dos saberes tradicionais trasmitidos pola xeración dourada.

Contra vento e marea

 

O pasado curso foi necesario retirar as froiteiras da nosa horta por culpa dunhas obras no pavillón e por fin chegou o momento de replantalas na súa nova ubicación.