Este mércores intentaremos ver estrelas.

 

Parece que vai estar completamente despexado así que imos intentar ver Xúpiter, Saturno, Venus e algunha cousiña máis.

Charlamos sobre o Universo e as ondas gravitacionais

 

Charla do IGFAE. As ondas gravitacionais

 

Comezamos colaborando co proxecto Quelonia na limpeza de praias.

 

A pesar de que o tempo non axudou moito fomos quen de facer un bo traballo retirando máis de 80 quilos de lixo da praia da Ermida.

As nosas pataquiñas dan resultado na horta

 

 

Xa temos resultados na nosa investigación coas patacas. 

En primeiro lugar atopamos patacas aluadas en todas as zonas e tendo en conta que todas as patacas que recollimos foron plantadas o mesmo día é evidente que aluarse ou non é independente da fase da Lúa na que se planten.

Tamén quedou claro que dá igual como cortemos as patacas. Todos os cuadrantes tiñan patacas grandes excepto o que non tiña abono. En conclusión o abono é fundamental para o aumento de tamaño das patacas.

Somos finalistas no XI Concurso Incubadora de Sondaxes e Experimentos

  Agora toca defender o noso traballo na final que terá lugar o próximo venres 11 de xuño. Moita sorte aos encargados de explicar o traballo "Lobo ou can. ti que dis?"

Mosquito alert

 

Comezamos a colaboración co programa "Mosquito Alert". Un proxecto de ciencia cidadá do que vos informaremos a medida que avancemos.

Olimpiada de Xeoloxía. Fase Nacional 2021

 

 Un dos membros máis antigos do noso club, David Méndez, vén de conseguir unha meritoria quinta praza na fase nacional da XII Olimpiada de Xeoloxía.

Noraboa David

Continuamos as nosas investigacións é espera de que crezan as patacas

 

Seguimos traballando na nosa horta científica

 Xa vemos algún resultado na zona das patacas. 

Polo momento temos plantados seis regos. 

Os catro primeiros non foron adiante polo que decidimos poñer a proba o método científico. Cal sería o motivo polo que non saíron as patacas?

1. Por non ter fertilizante?
2. Porque as patacas estaban curtadas demasiado pequenas? Cando cortamos as patacas para plantar fixémolo deixando moi pouca pataca xunto ao ollo. Igual ese foi o problema.
3. Porque as plantamos na fase da Lúa equivocada? Os dous primeiros regos estaban plantados o día 19 de xaneiro, cuarto crecente, e os regos seguintes plantáronse o 10 de febreiro en Lúa nova. Atendendo a este dato non parece que a fase da Lúa influíra no resultado.

Descartamos a terceira opción e decidimos poñer a proba as dúas primeiras plantando dous novos regos divididos transversalmente por unha cinta branca e vermella que se pode ver na foto. 

 

 

Montamos os medidores de dióxido de carbono, humidade e temperatura

 

Xa temos funcionando os medidores de 1º ESO.

Moitas grazas a Jose pola súa paciencia e dedicación.

E rematamos a semana falando de cans

 

Da man de Salomé e da asociación de Amigos da Canceira de Ordes. "Segunda Oportunidade".

Os alumnos de 4º ESO C aproveitaron a visita para facer bo uso do seu "mal falar" doando á asociación a súa recaudación.

Moitas grazas a Salomé e a todos os voluntarios que fan posible que moitos peludos teñan unha segunda oportunidade.

Comezamos o trimestre falando de lobos

 

Mediante unha charla de Francisco Lema probablemente o maior coñecedor do lobo na nosa comarca.

Analizando os datos da enquisa nun obradoiro

 

Xa temos algo máis claros os resultados grazas ao traballo con este programa de análise de datos. Cada vez queda menos para que podades ler as nosas conclusións.

Por fin o confinamento nos permite ver aves

 

A verdade é que non vimos moito, o día non axudou, pero por algo hai que empezar

Enquisa Lobo-can

 

Queres saber se acertaches na enquisa? 

Ante todo moitas grazas por axudarnos a alcanzar máis de 900 respostas. 

Se quedaches intrigado, estas son as respostas correctas: lobo, lobo, can, lobo, can, lobo, can, lobo, can, can, can, can, can, lobo, lobo, lobo, can, lobo. Podes ver o cuestionario no enlace.

Pronto publicaremos o estudo dos datos

Lobo ou can? Ti que dis?

Preme no enlace ou escanea o código qr e comproba os teus coñecementos.

 Para acceder á enquisa tes que escribir: CIENCIAS3161

 

Completando a enquisa estás axudándonos a facer Ciencia

Empezamos a calibrar e a tomar medicións

 

Lucas e Diego ordenando as medicións

Comprobando os sensores e calibrando

Unha horta científica precisa de boas ferramentas de medición de variables.

 

E a iso nos dedicamos dende o club de ciencias. Xa temos montado e funcionando o medidor de temperatura e humidade do solo.    

O noso planetario xa ten cinco constelacións

 Soldando leds para configurar Perseo, Casiopea, Andrómeda, Perseo e Pegaso.

 

 

Día da muller e a nena na Ciencia

 

Na mañá de hoxe contamos coa presenza no IES Eduardo Pondal de Ponteceso da investigadora do CSIC Nieves Pilar Vidal González. Doutora en Bioloxía é investigadora no Instituto de Investigacións Agrobiolóxicas de Galicia e achegouse ao noso centro grazas a un programa do CSIC para acercar o traballo das mulleres científicas aos alumnos de secundaria. A súa ponencia titulada "Falemos das árbores: para investigar precisamos de todas as mentes e todas as mans." foi dirixida ao alumnado do Club de Ciencias do Instituto e versou sobre os seus temas de investigación relacionados co cultivo e conservación de especies arbóreas autóctonas. No tempo compartido co alumnado falou tanto experiencias vitais como profesionais sempre coa investigación científica como fío condutor. 

Seguimos programando e montando os nosos deseños con Jose

 Nesta ocasión é unha alarma de ruído. A ver se conseguimos controlar a contaminación sonora no instituto.

 

 

A pesar da choiva imos avanzando coas gravacións das aves

 

Entre o COVID-19 e o tempo atmosférico non o estamos tendo fácil pero xa temos moitas gravacións para incorporar á aplicación. 

Lástima que moitas das especies invernantes como a gabita vaian escapar sen poder ir a gravalas, as restricións de mobilidade son necesarias así que teremos que conformarnos.

Traballando nos medidores de calidade do ar

 

Identificando os regos de patacas

 

Facendo os regos para as patacas

 

Retomamos a horta

 

Antes de que empece a chover imos retomar a horta. 

Segundo o saber popular este é o mellor momento para plantar patacas polo que imos plantar as nosas. (Lúa nova e xaneiro). Seguindo o protocolo da nosa investigación pronto plantaremos outra remesa de patacas en momentos que non debemos (Crecente ou minguante e febreiro)

A Ciencia en marcha.