Parece que esta vez si que o conseguimos

 

Cun pouco de sorte, e moita previsión meteorolóxica, este próximo xoves 10 de novembro iremos ao faro de Brantuas a ver as estrelas. 

Dende as sete teredes a posibilidade de colaborar. 

Lembrade que este ano tamén falaremos de fotografía.

Retomamos o proxecto do Planetario portátil

 

A medida que imos reducindo as restricións COVID tamén imos rematando fases do proxecto. O obxectivo deste curso é montar todas as constelacións sobre a tela e rematar a programación destas.

A traballar!

Día da Ciencia en galego

 

Un ano máis participaremos nas actividades do Día da Ciencia en galego.

Vaite deitar! Analizando como durmimos

 

Comezamos a traballar no tema de investigación deste ano.

Vaite deitar!

Parece que algúns alumnos teñen sono a todas horas, outros non atopan o momento de apagar a luz e incluso algúns dormen como troncos toda a noite. Seremos capaces de atopar os motivos desta variedade soporífera?

Dende os glaciares ata o interior da Terra

 

Acompañados por Fran Canosa visitamos o Xeoparque de Cabo Ortegal para adentrarnos nos misterios da Xeoloxía.

A pesar do frío que nos trouxo o día fomos quen de gozar doutra xornada de aprendizaxe de campo entre algunhas das paisaxes máis impresionantes do mundo.

Imos ver algún planeta que outro, se se deixa o tempo

 

Este é o cometa Haleboop e seguro que non o imos ver pero se o tempo o permite o próximo martes 18 de outubro as oito da noite estaremos vendo estrelas no faro de Brantuas. 

Animádevos a aprender do ceo

CANCELADO POR CHOIVA

El arte de vender mierda

 

 

Este libro reflicte unha boa visión da vida. Nel destácase a ignorancia da xente e a maldade que teñen algunhas persoas, a través de historias relacionadas coa pseudociencia. Recomendaría esta lectura a todo aquel que pense en comezar un tratamento pseudocientífico ou xa esté enproceso, porque despois deste libro posiblemente cambie de opinión

                                                                                                            Julia Mato. 1ºBacharelato A